Articles:grip

grip

það er svo hljótt

en samt mannmergð

verðirnir hringsóla um mig

og sjá mig aldrei

ég er ósýnileg

og berst um í tóminu

en vá

það væri svo margt sem þið gætuð skammað mig fyrir

ég lofa;

að hafa ekki lært,

að vera með bjór,

að lesa íslenska bók,

að vilja fara héðan,

en geta það ekki,

því hún er föst í meintum draumi

föst á milli svefns og vöku

já! hvort er þetta draumur eða martröð?

þegar á honum stendur gerir hún engan greinarmun

tekin föst en stendur á sama

manneskjur úr fortíðinni sem ofsækja hana hvert sem hún fer

og núna er hún sú gráðuga, vill alltaf meira en óttast það

að grípa í tómt