Articles:á förnum vegi

á förnum vegi

okkar vegur er farinn
hann fór fyrir löngu
en við og við hugsa ég til hans með hlýju
því á köldum vetrarkvöldum var hann stundum upphitaður eins og baðherbergisgólfið heima
ég gat meira að segja litið upp í spegilinn og komið auga á sjálfa mig í líki ástfangins manns
okkar spegill er brotinn
hann splundraðist fyrir löngu
og þess vegna undra ég mig enn á því að ég vilji rekast á þig aftur
til þess eins að við gætum heilsast í hlutverkum vina á förnum vegi
þegar við vorum aldrei neinir sérstakir vinir
heldur alltaf eitthvað annað