Articles:bananar, jarðarber og ég

bananar, jarðarber og ég

ég horfði á gómsæt og girnileg jarðarber mygla inni hjá mér um daginn

þetta gerðist svo hægt en svo örugglega

þau eru skammarlega lík mér

og við munum bæði breytast í mold fljótlega

því í gærkvöldi fann ég fyrir stöðnun í fyrsta skipti

ég var eins og sandstytta í lygnri eyðimörk þar sem ekkert breyttist nema lítillega

og fyrir nokkrum dögum horfði ég á þetta gerast

eins og banananna sem dökknuðu og dökknuðu og dökknuðu

ég ætlaði mér að borða þá

eða baka bananabrauð

en það getur verið banvænt að bíða of lengi

og það smitar út frá sér

eins og dropi af matarlit sem gegnsýrir alla fljótandi óvissu í sínu nánasta umhverfi