Articles:útsjónarsemi

útsjónarsemi

ég veit ekki af hverju rimlagardínur heita Jalousie á þýsku

(þetta orð mun alltaf þýða eitthvað annað fyrir mér)

túlkun mín stemmir heldur ekki þegar ég sé ykkur tvö saman

eins og þessar tilfinningar sem fylgja með og freyða út um allt

upp úr glasinu,

út af borðinu,

yfir allt gólfið,

og fingurgómar mínir voru aldrei til þess gerðir að njóta áferðarinnar

ég veit ekki hvernig eða hvenær þessi froða fór út af sporinu

get aldrei náð utan um hana

ekki frekar en þessar rimlagardínur í húsinu sem bara safna á sig ryki og blinda mig fyrir öðrum heimi

ekki frekar en þessa froðu sem hverfur um leið og ég kem auga á hana