Articles:allt fínt, en þú?

„allt fínt, en þú?”

ég geri allt sem í valdi mínu stendur til þess að koma upp orði þegar þú talar við mig

en þegar ég er í kringum þig líður mér eins og ég sé á toppi everests án súrefniskúts

ekkert hægt að segja nema:

„ég þarf svo sem ekki súrefni ef ég hef þetta útsýni, því héðan liggur leiðin bara niður á við hvort sem er.”

þú býst samt ekki við þessu

þú býst við „allt fínt, en þú?”

er það ekki?