Articles:píanóið og ég

píanóið og ég

píanóið og ég erum eitt

dönsum saman í fullkomnu samræmi, allt eftir mínu höfði

ef mér mistekst fæ ég að heyra þetta klassíska: „hvernig gastu gert mér þetta?”

segir mér að forðast röngu takkana næst, þeir gætu jú haft neikvæð áhrif á framhaldið

„lagið heldur alltaf áfram, ástin mín. við erum ekki feilnóturnar.“

að sjálfsögðu er píanóið ekki gallalaust heldur

kynþáttafordómar spila stóran þátt í uppbyggingu þess

„það skiptir máli hvernig nóturnar eru á litinn og hvar þær eiga heima.”

hvílíkt virðingarleysi

en ég lifi með því

lifi fyrir það

því besta ástin er sú sem maður vill brjálast yfir

brjálast fyrir

og við elskum hvort annað

við erum eitt